Charter Document - 02360378
| Charter Number: | 02360378 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1229 |
| Date type: | Internal, A.D. |
| Resource Link(s): |
|
Charter:
H archidiaconus Avalonensis omnibus presentes litteras inspecturis salutem in Domino perpetuam Noverint universi quod in nostra constitutus presentia Guionetus de Savigne dedit et concessit Deo et fratribus sancte domus hospitalis Jherosolime Pontearberti quicquid jus et dominium ipse habebat et habere poterat in Ragum le Pos de Mont Marzolin et fratres ejus quos dominus Haymo de Avalone dederat antea predictis fratribus hospitalariis et proprio juramento firmavit quod ipse guarantizabit contra omnes sui generis homines donationem predictam et in tenentias de guarantizando posuit quicquid habebat in parrochia de Magniaco volens et concedens quod si a predicta donatione seu guarantizatione predictus G vel heredes ejus resilirent nos in eos extunc excommunicationis et in terram suam interdicti sententiam poneremus Promisitque dictus G sub prestiti juramenti virtute quod ab heredibus seu coheredibus suis si necesse videtur predictis fratribus hospitalariis quandocumque requisitus fuerit faciet dictam donationem ratam haberi et laudari Dicti vero fratres hospitalarii prenominato G dederunt de caritate et predicta donatione seu quitatione facienda sex libras et duodecim solidos dyvionenses In cujus rei memoria ad petitionem dictarum partium presentes litteras sigilli nostri munimine duximus roborandas Actum anno Gratie MCC vicesimo nono mense decembri fratre Rodulfo Turonense existente magistro Pontisarberti qui has litteras propria manu composuit et conscripsit