Charter Document - 02360376
| Charter Number: | 02360376 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1229 |
| Date type: | Internal, A.D., Feast |
| Resource Link(s): |
|
Charter:
Ego Theobaldus Campanie et Brie comes palatinus notum facio omnibus presentes litteras inspecturis quod dedi et concessi dilecto et fideli meo Anserico de Tociaco domino de Bazerne ad vitam suam centum libratas annui redditus percipiendas annuatim in intragio vinorum Trecensium in nundinis Sancti Johannis Trecensis Volo autem et statuo quod quicumque recepiet illud intragium pro singulis septimanis quibus solutionem differet requisitus ipse solvet dicto Anserico quadraginta solidos pro emenda et post ipsius Anserici obitum redditus supradictus ad me et heredes meos sine contradictione aliqua reverteretur Propter hoc igitur dictus Ansericus devenit ligius homo meus salva ligiatione dominorum suorum videlicet Joannis de Torciaco Archambaudi de Borbonio comitis Nivernensis et Roberti de Curteneio et salvis escheetis que eidem Anserico ex parte sua vel uxoris sue aut heredum suorum poterunt pervenire et ego teneor facere ei habere dictas centum libras singulis annis et quadraginta solidos de emenda Actum apud Trecas anno Domini MCCXX nono in festo Omnium Sanctorum