Charter Document - 02360372

Ludovicus Dei Gratia [] Notum [] quod dilectus et fidelis noster G Senon archiepiscopus numerum canonicorum ecclesie Senon pio motus desiderio proponens augmentare auctoritate domini pape sicut intelleximus portiones redituum quarumdam ecclesiarum parochialium que pre aliis in proventibus exuberant ad quatuor prebendas in ecclesia Senon de novo creandas retentis in eisdem parochiis sufficientibus sustentationibus sacerdotum ibi deservientium intendit assignare sed quoniam ad presens eedem parochiales ecclesie non vacant humiliter postulavit a nobis ut nos ad ejus devotam intentionem pio concurrentes assensu concedere dignaremur ut de hiis reditibus parochialium ecclesiarum qui prout supra dictum est ad easdem prebendas fuerunt assignati usque ad valorem centum et vigiginti librarum Paris annuatim canonicis de novo creandis unicuique videlicet triginta libras valeat assignare Quod nos intuitu pietatis et ad preces ejusdem archiepiscopi gratanter concedimus et presentibus litteris confirmamus ita tamen quod assignationibus redituum de parochialibus ecclesiis sicut supra dictum est perfectis reditus illi centum et viginti librarum ad regalia archiepiscopatus libere revertantur Actum anno Domini MCC vigesimo nono mense augusto