Charter Document - 02360363
| Charter Number: | 02360363 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1228 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Maria abbatissa et conventus Sancti Juliani Autissiod salutem in Domino Noverint universi quod cum querela verteretur inter nos ex una parte et religiosos viros abbatem et conventum Deiloci ex altera coram viro venerabili episcopo Trecensi et conjudicibus suis auctoritate apostolica delegatis super usuario et pasturis que petebant dicti fratres Deiloci in nemore Bellicaneti quod dicitur nemus Sancti Juliani ubi de Bussiaco et de Brione homines habent usuarium tandem utraque pars supradictis querelis in reverendum patrem Galterum Dei gratia Senon archiepiscopum compromisit ratum et firmum habitura quicquid esset a dicto patre pace vel judicio super hiis ordinatum Ipse autem prefatus pater pro bono pacis dictum suum protulit in hunc modum quod ecclesia Deiloci in nemore Bellicaneti quod dicitur nemus Sancti Juliani habeat imperpetuum pasturas ad opus omnium animalium suorum sine capris libere et absque aliqua exactione ita quod magister bergerius conversus per religionem suam dicet in verbo veritatis eadem animalia esse propria ecclesie Deiloci Arbitratus fuit etiam dictus pater quod eadem ecclesia Deiloci habeat imperpetuum in eodem nemore usuarium in hunc modum videlicet in qualibet ebdomada quatuor quadrigatas ad duos equos de nemore mortuo succiso nec poterit incidere de alio si cesum sufficiat quod si non suffecerit tunc in viridi usuarium habebit in nemore mortuo non inciso secundum quod vulgariter nemus mortuum appellatus Nec per hujus usuarium dicti fratres Deiloci poterunt impedire venditionem seu quamlibet aliam alienationem factam vel faciendam ab ecclesia nostra dumtamen aliqua parte nemoris supradicti eque commode possint uti Preterea dictus archiepiscopus dixit arbitrando quod ecclesia Deiloci in granchia sua de Vilepie persolvat annuatim ecclesie nostre tantumdem bladi et taliter quantum et quale prioratus Sancti Angeli pertinens ad nostram ecclesiam debet eidem ecclesie Deiloci annis singulis persolvere in granchia nostra que similiter dicitur Vilepie Nos autem prefatum arbitrium quantum ad nos pertinet ratum habemus et gratum et habituri sumus imperpetuum et de assensu communi bona fide concedimus et laudamus et nos abbatissa presentes litteras sigilli nostri impressione roboravimus Nos vero conventus Sancti Juliani quia sigillum proprium non habemus presentibus litteris sigillum venerabilis et discreti domini Milonis decani Autissiod fecimus apponi ne super prefatis rebus posset in posterum aliqua questio calumpnia vel contentio suboriri Actum anno Domini millesimo ducentesimo vicesimo octavo mense augusto