Charter Document - 02360361
| Charter Number: | 02360361 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1228 |
| Date type: | Internal, A.D. |
| Resource Link(s): |
|
Charter:
Durannus Dei gratia episcopus Cabilonensis universis [] Noveritis quod cum discordia verteretur inter venerabilem patrem Hugonem episcopum Lingon ex una parte et nobilem virum G comitem Nivern et Forensem et M uxorem ejus comitissam Nivern ex altera coram decano et conjudicibus suis Senon auctoritate apostolica super collatione prebendarum capelle comitis Tornod tandem in nos de consensu utriusque partis super dicta concordia extitit compromissum hoc modo quod dicti comes et comitissa juramento interposito et dictus episcopus in verbo veritatis promiserunt quod tenerent et firmiter observarent quicquid super dicta discordia pro voluntate nostra duceremus ordinandum Nos vero de consensu utriusque partis dictum nostrum pronunciamus in hunc modum Quod dicte prebende que in dicta capella fuerunt institute amodo sint in ecclesia S Petri Tornod presbyteri ejusdem ecclesie in omnibus jure salvo et episcopus Lingon qui pro tempore fuerit medietatem personatuum et prebendarum conferet et comes Nivern qui pro tempore fuerit alteram medietatem et sic deinceps de aliis personatibus et prebendis alternatim In cujus rei testimonium presentes litteras sigilli nostri munimine fecimus roborari anno Domini MCC vigesimo octavo mense julio