Charter Document - 02360359
| Charter Number: | 02360359 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1228 |
| Date type: | Internal, A.D. |
| Resource Link(s): |
|
Charter:
Nos N [] decanus et capitulum Lingonense omnibus notum facimus tam presentibus quam futuris quod nos quittavimus dilectis nostris Guillelmo comiti Nivernensi et Tornodorensi et Mathildi uxori ejus et heredibus suis centum solidos redditus quod habebamus in Perronio Tornodori ex dono et concessione Petri comitis Nivernensis et Agnetis uxoris sue pro anniversario Mathildis bone memorie quondam comitisse Tornodori matris dicte Agnetis in perpetuum celebrando Quos siquidem centum solidos venerabilis pater et dominus episcopus Lingonensis nobis assignavit in ventis et aliis reditibus mercati Lingonis unde nos tenemur anniversarium dicte comitisse celebrare in perpetuum sicut ante Et sciendum quod nos escambium quod inter dictum episcopum et supradictos comitem et comitissam intervenit prout in litteris ipsorum plenius continetur laudamus concedimus et etiam approbamus Quod ut et ratum sit et firmum presentes litteras fecimus sigilli nostri munimine roborari Actum anno Gratie MCC vicesimooctavo mense junio