Charter Document - 02360358
| Charter Number: | 02360358 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Testimony |
| Date: | 1228 |
| Date type: | Internal, A.D., Calendar |
| Resource Link(s): |
|
Charter:
Ego Jobertus dominus Anceii Franci omnibus notum facio quod Poncius domicellus de Baleci et Aaliz la Grosse uxor ejusdem vendiderunt pro centum libris Nivern monete viris venerabilibus capitulo canonicorum capelle Tornodori terciam partem tam grosse quam minute decime de Poliaco exceptis quatuor modiis vini quos fratres de Vallecrescenti habent in tercia parte supradicta de qua parte idem Poncius et Aaliz uxor ejusdem prenotati idem capitulum in mea presentia investiverunt me ipso de cujus feodo decima memorata movebat laudante et concedente Et si forte quod absit dictum capitulum super dicta decima aliquis molestaret dicti Poncius et Aaliz uxor ejusdem tenentur dictam decimam per jus garantire erga omnes capitulo memorato Et de hujusmodi garantia portanda contra omnes contradictores preterquam contra comitem Nivernensem si ratione feodi super hac venditione dictum capitulum molestaret me fide jussorem constituerunt In cujus rei testimonium presentem paginam sigilli mei munimine tradidi roboratam Actum anno Domini MCC vicesimooctavo Datum Tornodori pridie kalendas maii