Charter Document - 02360354

Ego Jobertus Anceii Franci dominus notum facio omnibus presentes litteras inspecturis quod cum ego ecclesie Molismensi injuriosus diucius extitissem super finagio sito inter Anceium Francum Septineium et usuario ipsius finagii tandem de injuria illata supradicte ecclesie satisfactionem plenariam cupiens exhibere rei veritate cognita plenius et percepta consilio bonorum virorum habito de laude et assensu Johanne uxoris me que fide interposita hoc laudavit dedit et concessit et matris sue similiter que in dotem tenebat dictum finagium de Anceio dedi et concessi et quitavi ecclesie Molismensi in perpetuam elemosinam pro remedio anime mee et antecessorum meorum quicquid habebam et possidebam in bosco et plano justicia terragio et usuario in omnibus modis et commodis nichil omnino retinens mihi nec successoribus nec heredibus meis preter quam feodum terrarum quas Lambertus Jodoinus miles et Guillermus domicellus sororius dicti Lamberti habent infra metas versus Septineium in quibus terris ecclesia Molismensis justiciam habet plenariam et habebit in perpetuum Finagium vero sic est divisum ab Alba Spina de super passorium de Valle Margot sicuti itur ad Sambuscum desuper Campum Ade militis sicuti mete posite sunt a Sambusco usque ad Ulmum de Campo Richot et ab ulmo usque ad quercum in introitu nemoris per Viam Crosam et a quercu de Via Crosa sicuti ipsa via ducit ad pirum domine Esperie per metam infra positam Item sicuti meta posita est a piro domine Esperie usque ad viam Tornodori in introitu ructure Gerbaudi a ructura Gerbaudi sicut itur ad Caput come defuncti Odonis Charrere per desuper inde sicuti mete positi sunt usque ad caput dumi defuncti Parvuli ab eodem dumo sicut mete comportant via recta usque ad finagium de Glando Ex alia vero parte versus Raverias a predicto passorio de Valle Margot sicuti via Tornodori ducit usque ad finagium de Raveriis per omnia et in omnibus in ea parte que est versus Septineium dedi et concessi ecclesie memorate Preterea concessi eidem ecclesie et hominibus suis pascua et usuarium in pascuis in proprio finagio meo versus Anceium Francum et versus Chassignoles sicut mete posite comportant usque ad grossam quercum que posite sunt ab Alba Spina usque ad pirum domine Esperie et sicut itur a piro domine Esperie per cristam de super Merseium usque ad grossam quercum per viam de Valle Taisnox usque ad introitum vie que ducit ad fontem de Merseio ad rasuram nemoris via recta usque ad grossam quercum Ita tamen quod si vellem claudere nemus meum de Merseio tali clausura que possit debeatque detinere et impedire ingressum bovum et vaccarum si animalia dicte ecclesie vel hominum ipsius capta fuerint in clausura vel intra si ad emendam solvendam si domino Ancei placuerit tenebuntur et si clausum non fuerit dictum nemus intrare poterunt et transire libere usque ad viam Vallis Taisgnose sicuti mete posite comportant dampno tantummodo restituto Et si in divisione facta fuerint animalia sepe dicta cum dampni restitutione quicta reddentur Concessi etiam monacho Molismensi apud Cuseium commorante et ejusdem ecclesie hominibus in planis in silvis et aquis eodem modo quod mei homines utuntur usuarium et quicquid de feodis et casamentis meis acquirere poterit ecclesia memorata prout in litteris bone memorie Godefridi quondam Lingon episcopi plenius continetur Hec omnia dedi et concessi ecclesie memorate salvis omnibus meis feodis in quibus ipsa ecclesia plenariam habet justiciam Quod ut ratum et firmum permaneat presentem paginam sigilli mei munimine roboravi Actum est hoc anno Domini millesimo ducentesimo vicesimo octavo