Charter Document - 02360353
| Charter Number: | 02360353 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1228 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Frater Guerinus domus hospitalis Jherosolimitani prior humilis in Francia rei geste memoriam cum salute Noverint universi quod cum homines de Sociaco et de Sancto Martino super Orosam peterent a fratribus hospitalis Jherosolimitani et Petro le Jay et Hugone de Brueriis militibus Helioco Guioto Colino et Johanne ac Guillelmo fratribus Helioci Margareta et Maria sorores ejusdem Helioci usuarium ad pasturam animalium in omnibus nemoribus de Florigniaco ita eciam quod statim post abscinsis nemoribus possent immitere animalia ad pascendum tandem amicabilis compositio intervenit in hunc modum quod predicti homines habebunt usuarium liberum ad pasturam animalium in nemoribus predictis hoc modo quod predicti domini nemorum poterunt abscindere nemora videlicet unam medietatem successive post aliam Et infra quinquennium post abscinsionem animalia abstinebunt a pasturis nemoris incisi Et medietas omnium nemorum ad minus semper remanebit non abscisa et libera ad pasturam animalium dictorum hominum Et post quinquennium ab abscinsione alterius medietatis nemoris computando libere poterunt intromitti animalia ad pascendum Et animalia habebunt adeo patentem et liberum ingressum et regressum ad medietatem non abscissam ita quod sine dampno incisi nemoris egredi libere potuerunt et secure Et propter hujusmodi usuarium non amittent domini nemoris liberam facultatem extirpandi vel colendi vel partem nemoris quandocumque voluerint Quod est ratum et firmum permaneat presentes litteras scribi fecimus et sigilli nostri munimine roborari Actum anno Gracie MCC vicesimo octavo