Charter Document - 02360349
| Charter Number: | 02360349 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Composition |
| Date: | 1227 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis curie archidiaconi Senon in Domino salutem Noverint universi quod Johannes dictus Folez in manu nostra fiduciavit se redditurum viro venerabili abbati Sancte Columbe Senon decem libras paris terminis subnotatis pro compositione necis defuncti Joberti de Capella hominis ipsius abbatis facta cum Petronilla quondam uxore ipsius defuncti liberis ipsorum defuncti et Petronille et heredibus ipsius defuncti videlicet pro ipsa Petronilla quadraginta solidos infra quindenam postquam ipse abbas acceptaverit dictam compositionem sexaginta solidos infra festum Omnium Sanctorum proximo venturum et pro dictis libris residuos centum solidos a festo Omnium Sanctorum proximo venturo in annum De dicta autem compositione firmavit observanda et de denariis ut dictum est reddendis Bernardus frater ipsius Johannis Raerius de Granchiis Johannes Cherpins Fromundus Praz et Christianus Gretauz coram nobis ad petitionem dicti Johannis erga dictum abbatem per fidem suam se plegios obligarunt Actum die sabbati post Brandones anno Domini MCC vicesimoseptimo