Charter Document - 02360348
| Charter Number: | 02360348 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Testimony |
| Date: | 1227 |
| Date type: | Internal, A.D. |
| Resource Link(s): |
|
Charter:
Ego Guido dominus de Mellegniaco notum facio universis presentibus et futuris quod Doetus dominus de Flonniaco in presentia mea in ultima voluntate legavit domui Pontiniaci pro remedio anime sue unum modium avene in costumis de Flonniaco singulis annis percipiendum in festum S Remigii et centum solidos provin in eodem festo Sancti Remigii annuatim percipiendos in reditibus suis de Flonniaco pro anniversario suo faciendo ita tamen quod dominus de Flonniaco qui tenebit costumas illas reddet domui Pontiniaci in dicto festo Sancti Remigii modium avene cum centum solidis Et hoc laudaverunt et concesserunt Bura uxor ejus et Godwinus filius ejus et Sedelina et Luqueta filie ejus [] Actum anno Domini MCCXX septimo