Charter Document - 02360340
| Charter Number: | 02360340 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1226 |
| Date type: | Internal, A.D. |
| Resource Link(s): |
|
Charter:
Omnibus ad quos littere presentes pervenerint Robertus de Corteneio salutem Notum facio vobis quod accepturus iter contra iniquos et impios Albigenses laudante uxore mea Mathildi pro remedio animarum nostrarum predecessorum et successorum nostrorum dedi fratribus Fontis Joannis ad hostias faciendas sex sextarios boni et laudabilis frumenti qui singulis annis capientur apud Chargniacum infra octavas Omnium Sanctorum de reditibus meis ejusdem ville Emondi Insuper dedi eis ad opus Missarum octo modios vini rubei boni et laudabilis de vineis meis de Vermentum singulis annis in vineis meis in vindemiis perpetuo capiendos Legavi etiam eis pro anniversario post obitum meum faciendo centum solidos parisienses singulis annis in octavis Omnium Sanctorum de censibus meis de Campignoliis perpetuo capiendos qui videlicet centum solidi si in die anniversarii mei in pitanciis fratrum competenter non potuerint expendi infra octavas in eorum pitanciis expendentur Actum anno Gratie millesimo ducentesimo vigesimo sexto mense maio