Charter Document - 02360339
| Charter Number: | 02360339 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1226 |
| Date type: | Internal, A.D. |
| Resource Link(s): |
|
Charter:
Ego Mathildis comitissa Nivernensis omnibus notum facimus tam presentibus quam futuris quod nos pro remedio anime mee et H quondam bone memorie domini et mariti nostri comitis Nivernensis dedimus et concessimus post decessum nostrum ecclesie Sancti Mariani Altisiod pro anniversariis nostris in ipsa ecclesia annuatim imperpetuum celebrandis sexaginta solidos redditus cursualis monete in cryeria et lya Altisiod annuatim imperpetuum percipiendos Volumus siquidem et precipimus ut episcopus qui pro tempore erit ponat sententias excommunicationis in personam heredis aut successoris nostri et interdicti in terram ipsius si contra istud ullo modo ire attemptaverit nec ipsas relaxet quousque dicte ecclesie de dicto redditu ad plenum fuerit satisfactum Quod ut ratum permaneat sigilli nostri munimine presentes litteras fecimus roborari Actum anno Domini MCCXXVI mense maio