Charter Document - 02360330
| Charter Number: | 02360330 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1225 |
| Date type: | Internal, A.D. |
| Resource Link(s): |
|
Charter:
Ego Henricus Dei gratia Autissiod episcopus notum facimus universis presentes litteras inspecturis quod cum quedam controversia verteretur inter dilectos filios abbatem et conventum Regniaci ex una parte et Gaucherium Bredene militem ex altera super hoc quod dicti abbas et conventus Regniaci ex dono antecessoris defuncti Ascelini de Merriaco patris uxoris ejusdem Gaucherii Bredene usagium reclamabant in nemoribus que tenet idem Gaucherius inter Choram fluvium et viam que ducit ab Avalone et Juga et que tendit ad Saciacum per vallem Autissiod sicut continetur in cartis eorumdem fratrum quas super hoc habent ab antecessoribus jam dicti defuncti Ascelini et etiam idem Ascelinus eisdem fratribus quondam sigilli sui munimine confirmavit Tandem prefati abbas et Gaucherius miles in presentia mea recognoverunt dictam conventionem de communi conventione eorum et conventus Regniaci et Mabille uxoris dicti Gaucherii esse pacificatam in hunc modum videlicet quod sepe dictus Gaucherius Bredene miles laude et assensu Mabille uxoris sue dedit in perpetuum predictis fratribus Regniaci nemus quoddam quod dicitur Excorcicatum quod situm est super vallem que vocatur Vallis Monialium quod nemus est juxta nemus eorumdem fratrum de Fontismo quod eisdem fratribus tenetur penitus guarentire erga omnes preterquam contra homines de Saciaco Preterea dictus Gaucherius miles in dicto nemore predictis fratribus justitiam et omnia forefacta libere dedit et quittavit excepto magne forefacto scilicet sanguinis furti vel pugne et si familia dictorum fratrum in dicto nemore aliquid hujusmodi forifactum fecerunt ad dictum militem emenda nil omnino pertinebit si vero servientes dicti militis in dicto nemore aliqua vadia ceperint ad voluntatem dictorum fratrum ea reddent vel eis tradent Sepedicti ergo fratres propter hoc usagium quod in supradictis nemoribus habebant quittaverunt retento sibi usagio pascuarum animalium quod habent in omnibus terris tam planis quam nemorosis sine damno pastionum pratorum et segetum videlicet sicut in jam dictis cartis suis plenarie continetur et sciendum quod si nemus illud quod dicitur Excorcicatum ad partem filiorum defuncti Ascelini de Merriaco sepedicti contigerit et illi pacem superius expressam tenere laudare et confirmare noluerint dicti fratres Regniaci ad antiquum jus suum secundum quod in suis antiquis cartis continetur et ipsi heredes defuncti Ascelini ad suum revertentur Nos autem promissam pacem approbantes in ejusdem rei memoriam et testimonium premissas conventiones dictorum abbatis et conventus Regniaci et supradicti militis et uxoris ipsius sicut eas audivimus sigilli nostri munimine fecimus roborari Actum anno ab Incarnatione Domini MCC vicesimo quinto mense decembri