Charter Document - 02360329
| Charter Number: | 02360329 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, A.D., Feast |
| Resource Link(s): |
|
Charter:
Galterus Dei gracia Senon archiepiscopus universis ad quos littere presentes pervenerint salutem in Domino sempiternam Noverint universi quod cum ex quorumdam devotione fidelium nove religionis plantacio in diocesi nostro in loco qui dicitur Curia Beate Marie infra fines parochie de Vilois fuerit instituta accedente ad hoc ejusdem loci presbiteri consensu et in eodem loco per Dei graciam moniales sub regula et ordine Cisterciensi divino sint obsequio mancipate nos attendentes quod hujusmodi religionis nova plantacio crescente devotione fidelium possit et debeat in melius provehi in futurum prefatum locum ad faciendam in eo abbatiam ad usus et consuetudines Cisterciensis ordinis prout monasterium Sancti Antonii Parisiensis ejusdem ordinis se habet auctoritate metropolitana duximus imperpetuum confirmandum Quod ut ratum et stabile permaneat presentes litteras fecimus sigilli nostri karactere roborari Actum apud Vilois anno Domini millesimo CC vicesimo quinto mense augusto in festo decollationis Sancti Johannis Baptiste