Charter Document - 02360327
| Charter Number: | 02360327 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 |
| Date type: | Internal, A.D. |
| Resource Link(s): |
|
Charter:
Ego Henricus officialis Tornod notum facio universis presentibus et futuris quod Agnes nobilis mulier de Merlenniaco in mea presentia donavit et concessit in perpetuam elemosinam ecclesie Beati Michaelis Tornodori medietatem quarte partis moture molendini de Cheneio et totius juris quod habebat in eodem molendino et alteram medietatem dicte quarte partis et quicquid juris habebat in eadem vendidit ecclesie supradicte pro quadraginta libris fortium Nivern quas coram me confessa est se recepisse Hanc autem venditionem et elemosinam Guillermus li Besgues miles filius dicte Agnetis laudavit voluit et concessit et quod hec laudentur a Johanne Rufo milite fratre dicti Guillermi dicta Agnes procurare tenetur Quod ut ratum et firmum permaneat ad peticionem dicte Agnetis et dicti Guillermi presentem paginam sigillari fecimus Actum anno Domini MCCXXV mense junio