Charter Document - 02360324
| Charter Number: | 02360324 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Bequest |
| Date: | 1225 |
| Date type: | Internal, A.D. |
| Resource Link(s): |
|
Charter:
Ego Th comes Campanie et Brie palatinus notum facio presentibus et futuris quod cum controversia esset inter me ex una parte et abbatem et monachos Regniaci ex altera super hoc scilicet quod dicti monachi asserebant quod ex dono predecessorum meorum comitum Campanie licebat eis libere et sine aliqua consuetudine reddenda adducere vina sua in tribus villis meis videlicet apud Trecas apud Pruvinum et apud Barrum super Albam et ea ibidem vendere quod ego nullo modo sustinere volebam Tandem super premissis inter nos compositum est in hunc modum quod supradicti abbas et monachi quod a me petebant ut predictum est mihi meisque heredibus omnino quitaverunt et privilegiis suis inde confectis quoad predictum articulum pertinet penitus renuntiaverunt et in dictis villis vina de cetero non adducent Ego siquidem in recumpensationem predictorum donavi dictis monachis quindecim libras annui redditus percipiendas in intragio vinorum in nundinis Sancti Angulphi apud Pruvinum ad pagamentum Ut autem hoc ratum et firmum habeatur presentes litteras sigilli mei munimine roboravi anno Gracie MCC vicesimoquinto