Charter Document - 02360322

Universis presentes litteras inspecturis Philippus dominus Nemosii in Domino salutem Noverint universi quod capitulum Sancti Stephani Senon non potest detinere latronem apud Pontes super Yonam quid reddetur ad metam assignatam domino Gaufrido de Plesseto vel Galterio filio nostro vel eorum mandato nisi per unum diem et unam noctem Preterea boscus de Fosseto remanet quitus sine usario domino Gaufrido et Galtero filio nostro et boscus de Chasno Avrardi remanebit quitus similiter capitulo supradicto sine omni usuario de falsa mensura ita est ordinatum quod Galterus filius noster vel dominus Gaufridus non possunt causa capere apud Pontes in terra capituli donec fuerit ostensum servienti capituli et si serviens capituli super hoc requisitus ire recusaverit pro ea capienda dictus Gaufridus vel Galterius filius noster vel eorum mandatum possunt eam capere et emendam levare usque ad sexaginta solidos De remensione sic erit quod si aliquis advena in villam de Pontibus venerit potest facere remensionem vel capitulo vel dicto Gaufrido et Galtero filio nostro Si autem infra annum et diem remensionem heredem esse non fecerit si fuerit in terra capituli capitulo remanebit et si in terra dictorum domini Gaufridi et Galterii filii nostri eisdem remanebit De precone ita est quod instituetur a capitulo et institutus faciet fidelitatem capitulo et dictis Gaufrido et Galtero filio nostro et clamabit bannum ex parte omnium insimul Et si aliquid emolumentum de dicto precone evenerit capitulum habebit medietatem et dicti Gaufridus et Galterus filius noster aliam medietatem Actum anno Gracie MCCXX quarto mense marcio