Charter Document - 02360319
| Charter Number: | 02360319 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1224 |
| Date type: | Internal, A.D., Feast |
| Resource Link(s): |
|
Charter:
G Dei gratia Senon archiepiscopus omnibus presentes litteras inspecturis salutem in Domino Noverint universi quod cum querela verteretur inter priorem de Senante et Personam ejusdem ville ex una parte et capellanum leprosorum et leprosos ejusdem ville ex altera super eo quod petebant dicti prior et Persona a dictis capellano et leprosis oblationes et jura parrochialia provenientia ad eorum capellam cum ipsa capella sita sit infra fines parrochie de Senante tandem partes composuerunt in hunc modum quod dictus capellanus leprosorum nulla jura parrochialia recipiet et de omnibus oblationibus que ad manum capellani sive in eadem capella evenerint capellanus solummodo terciam partem habebit dictus prior terciam et Persona aliam terciam et super hiis fideliter observandis dictus capellanus leprosorum quicumque erit dictis priori et Persone tenebitur facere juramentum Actum anno Gracie MCCXXIV festo Beate Andree apostoli