Charter Document - 02360311
| Charter Number: | 02360311 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1223 - 1224 |
| Date type: | Internal, A.D. |
| Resource Link(s): |
|
Charter:
Galterus Dei gratia Senon archiepiscopus omnibus [] Noverint universi quod nobiles viri Ferricus de Cudoto et Andreas de Sancto Fidolo gener ejus coram nobis vendiderunt capitulo Senon pro quingentis et quinquaginta libris pruvin totam decimam quam tenebant ex parte uxorum suarum apud Briennonem tam in terris quam in vineis videlicet tres quartas decime site ex ea parte fluvii de Hermecon in qua sita est villa de Briennone et totam decimam que est ex altera parte ejusdem fluvii excepta decima terrarum quas tempore venditionis propria carruca colebant que inferius nominatim exprimuntur ita quod si alias terras quam inferius expressas ipsos in territorio dicte decimationis acquirere vel excolere contigerit de illis integram decimam dicto capitulo persolvent Hanc etiam venditionem Aales et Aspasia dictorum militum uxores et Agnes prefati Ferrici filia voluerunt et laudaverunt et etiam per se fecerunt coram officiali nostro de Briennone ad hoc audiendum a nobis specialiter destinato in manu ejusdem officialis fidem prestantes corporalem quod super vendita decima de cetero non movebunt per se vel per alium questionem Dederunt infradicti milites plegios de recta garantia ferenda erga omnes preterquam Stephanum Giraudi thesaurarium Briennonis et quemcumque alium thesaurarium Briennonis videlicet dictus Andreas petrum Lo Giai et Thomam fratrem ejus ac Jobertum de Sancto Fidolo milites Dictus vero Ferricus eosdem et insuper predictum Andream milites prestiterunt fide jussores qui in manu nostra fidem prestiterunt corporalem quod si dictum capitulum pro defectu supradictorum Andree et Ferrici dampna vel deperdita incurreret ipsi infra mensem ex quo ex parte capituli requisiti fuerint captionem Senonis tenerent corporalem donec dicto capitulo de dampnis et de perditis esset plenarie satisfactum Hanc similiter venditionem nobilis mulier Petronilla domina de Chamloto de cujus feodo dicta decima movebat coram supradicto officiali laudavit voluit et concessit Nos igitur predictam venditionem ratam et gratam habentes ad petitionem partium presens scriptum ob perpetuum rei munimentum sigilli nostri appensione duximus roborandum Datum anno Gratie MCC vicesimo tercio mense marcio