Charter Document - 02360308
| Charter Number: | 02360308 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Declaration |
| Date: | 1223 - 1224 |
| Date type: | Internal, A.D., Feast, Lunar |
| Resource Link(s): |
|
Charter:
Ego Erardus de Brena dominus Rameruci et ego Philippa Henrici bone memorie quondam comitis Trecensis filia uxor dicti Erardi notum facimus universis presentes litteras inspecturis quod nos vendidimus totam forestam nostram que appellatur Rabiosa quam in allodium tenebamus reverendo patri Galtero archiepiscopo Senonensi unum quodque arpentum pro quatuor libris pruviniensibus mensurabitur autem ad arpentum quod vulgariter nuncupatur in territorio illo arpentum regis quod habet in quadratum ex quolibet latere quadraginta teisias ita quod idem archiepiscopus et successores ejus archiepiscopi Senon in perpetuum habeant ibi omne dominium et omnem justiciam sine aliqua reclamatione in feodo vel in dominio sive in griaria vel usuario vel quibuscunque consuetudinibus Immo tota foresta quitta et libera eidem archiepiscopo et ecclesie Senon perpetuo remanebit exceptis pasturagiis que ibi clamant in herbagio Templarii pro animalibus propriis de domo sua de Coloers et monachi Vallis lucentis pro animalibus grangie sue de Logiis et monachi Escalleiarum pro animalibus grangie sue que appellatur Beaucierre et monachi Pontiniacenses pro animalibus grangie sue que dicitur Sevie et canonici Deiloci pro animalibus grangie sue que dicitur Vaudurre ita tamen quod porcos ibi habere non poterunt De omnibus aliis promittimus bona fide nos rectam garentiam portare nec nos nec heredes nostri aliquid juris in eadem foresta poterimus decetero reclamare Et hec fide in manu ejusdem archiepiscopi corporaliter prestita promisimus nos inviolabiliter observare Quod ut ratum et stabile in perpetuum permaneat presentes litteras sigillorum nostrorum munimine fecimus communiri Actum apud Seant die lune ante Purificationem Beate Marie anno Domini MCCXX tertio mense januario