Charter Document - 02360306
| Charter Number: | 02360306 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1224 |
| Date type: | Internal, A.D. |
| Resource Link(s): |
|
Charter:
Hugo Dei gratia Lingonensis episcopus omnibus presentes litteras inspecturis salutem in Domino Noveritis quod cum requisitum esset a nobis quod in Domo Dei de Tornodoro concederemus canonicos seculares institui nos dicte petitioni consensum prebuimus et canonicis ibidem instituendis concessimus ingressum ecclesie salvo jure decimarum ecclesiarum Postmodum vero abbate et conventu Molismensi conquerentibus de predictorum canonicorum institutione partibus convocatis nobis constitit evidenter quod in ecclesia ejusdem domus que parrochialis est abbas Molismensis habeat jus presentandi sacerdotem et portionem suam in jure parrochiali recipiebat quare de bonorum virorum consilio dictis canonicis ingressum ecclesie prohibuimus predictam concessionem nostram de ingressu ecclesie salvo jure vinearum ecclesiarum secundum intentionem nostram taliter interpretantes quod prius esset salvum jus ecclesie Molismensis et vinearum ecclesiarum nec eisdem in canonico habitu dictam ecclesiam liceret ingredi in prejudicium Molismensis seu cum juris lesione alieni In cujus rei testimonium presentes litteras fecimus sigillo nostro sigillari Actum anno Domini MCC vicesimo quarto