Charter Document - 02360305
| Charter Number: | 02360305 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1224 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Michael curie Senon officialis in Domino salutem Notum facimus universis quod cum inter canonicos Deiloci et Nicholaum priorem et monachos Beate Marie de Jovigniaco verteretur altercatio de corpore Willelmi illustris comitis Jovigniaci tandem composuerunt in hunc modum quod canonici remiserunt monachis actionem quam contra eos pro predicti comitis corpore intendebant et monachi remiserunt predictis canonicis duos solidos et quatuor sextarios et unam minam bladi quos eis debebant annuatim pro molendino Saneveriarum ita quod non solvent canonici de cetero monachis nisi unum sextarium frumenti laudabilis in crastino Nativitatis dominice et duodecim denarios in Exaltatione Sancte Crucis per singulos annos et canonici quitaverunt monachis decem solidos quos percipiebant annuatim in hala draperiorum Jovigniaci et quicquid habebant in hala predicta Hanc compositionem fecerunt abbas Deiloci et prior Jovigniaci et eam laudaverunt prior et conventus de Caritate et conventus Deiloci sicut nobis constitit per litteras eorumdem Quod ut ratum et inconcussum permaneat in posterum presentes litteras ad petitionem parcium sigilli curie Senon munimine fecimus roborari Actum anno Gracie MCC vicesimo quarto