Charter Document - 02360304
| Charter Number: | 02360304 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1224 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis magister Michael officialis curie Senon in Domino salutem Noverint universi quod nos litteras venerabilium virorum abbatis et conventus Sancti Remigii Senon inspeximus sub hac forma Stephanus Dei permissione abbas totusque conventus Sancti Remigii Senon omnibus presentes litteras inspecturis in Domino salutem Noverit universitas vestra quod nos inquisita diligenter et plenius intellecta conditione et observancia qua tenentur ecclesie nostre Salomon de Villanova Guiardi et Gila soror ejusdem Salomonis et filius ejusdem Gile Anseisus profitemur volumus et concedimus ut ipsi liberi sint ab omni tallia et corveia et omni servitute corporali et aliis quibus usque ad nostra tempora immunes fuerunt et nos ipsos et heredes eorum quos ex propriis corporibus genuerint tanquam homines ecclesie nostre et liberos servientes recepimus sub dictis libertatibus favente Domino conservandos In cujus rei memoriam et testimonium presentes litteras annotari et sigillorum nostrorum munimine fecimus roborari Actum anno Gracie MCC vicesimo quarto mense januario Dictus vero Salomon et filius ejus Stephanus et filia ipsius Haoisis Gila Agnes et Maria et dicta Gila soror dicti S et filius ejusdem G Anseisus se esse homines dicte ecclesie et liberos servientes prout in dictis litteris plenius continetur recognoverunt coram nobis bona fide promittentes se tanquam homines memorate ecclesie et liberos servientes in perpetuum habituros Dederunt etiam idem Salomon et Helisabeth uxor ejus ecclesie prenotate et quitarunt granchiam suam de Villanova Guiardi cum fossatis et porprisia granchie Sancti Remigii contiguam a sepe dicta ecclesia Sancti Remigii post decessum dicti Salomonis quiete in perpetuum possidendam Quam donationem et quitationem voluerunt et laudaverunt liberi ipsius Salomonis Stephanus et Haoisis Gila Agnes et Maria Guillelmus vero et Bernardus generi dicti Salomonis usque ad triginta libras Pruvin fortium se plegios concesserunt quod liberi supradicti qui nunc sunt in avoeria qui erunt extra avoeriam ratam habebunt donationem et quitationem granchie supradicte In cujus rei memoriam et testimonium presentes litteras annotari et sigillo curie Senon sine alterius prejudicio fecimus roborari Actum anno Gratie MCC vicesimo quarto