Charter Document - 02360300
| Charter Number: | 02360300 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1223 |
| Date type: | Internal, A.D. |
| Resource Link(s): |
|
Charter:
Henricus Dei gratia Autissiod episcopus omnibus presentes litteras inspecturis in Domino salutem Noverint universi quod Alexander et Johannes frater ejus filii defuncti Leterici militis de Vincellis in nostra presentia constituti quittaverunt in perpetuum fratribus Escharleiarum quicquid habebant in molendinis predictorum fratrum sitis juxta Vincellas videlicet in bochello et piscatoria in aquis in aquarum decursibus et in omnibus aliis que sibi in dictis molendinis jure hereditario vendicabant Promiserunt etiam per fidem corporalem prestitam quod nunquam de cetero in dictis molendinis vel in supradictis eorum pertinenciis aliquid peterent vel reclamarent ratione sexte partis quam ipsi et sorores ipsorum in ipsis molendinis habebant et quod partem illam quam dictis fratribus quittaverunt eis bono fide garantizarent Dicti autem fratres tenentur singulis annis reddere dictis domicellis Alexandro et Johannis et heredibus eorum in crastino Beati Nicholai hyemalis in domo dictorum fratrum de Salicibus juxta Escolivas quinque sextaria et plenam minam bladi de tali blado qualem dicta molendina lucrabuntur scilicet Alexandro sex bichetos frumenti et sexdecim bichetos molture et Johanni similiter fratri et sex bichetos frumenti et sexdecim bichetos molture Supradicti vero domicelli penitus quittaverunt omnes conventiones quas habebant cum fratribus Reigniaci in supradictis molendinis Si autem postea contingeret predicta molendina destrui non minus propter hoc tenerentur dicti fratres ad dictam pensionem nec pro ipsa pensione cogerentur denuo ipsa molendina reedificare Quod ut ratum et firmum permaneat in futurum presentem paginam ad peticionem partium sigilli nostri munimine fecimus roborari Actum anno Domini MCCXXIII mense decembri