Charter Document - 02360297
| Charter Number: | 02360297 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1223 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis officialis curie Senon in Domino salutem Noverint universi quod in presentia nostra constitutus Johannes presbyter de Septempilis laudavit voluit et concessit venditionem quam Stephanus domicellus de Masseigiaco et Beatrix uxor ejus fecerant altari Sancti Thome in majori ecclesia Senon sicut in aliis litteris curie Senon contractur de viginti sextariis bladi laudabilis annui redditus percipiendis in decima parrochie de Septempilis videlicet quinque sextariis frumenti quinque sextariis siliginis quinque sextariis ordei et quinque sextariis avene ad mensuram ville de Septempilis Quod ut ratum et firmum haberetur presentes litteras ad petitionem dicti Johannis presbyteri sigilli Senon curie munimine fecimus roborari Actum anno Gratie MCC vicesimo tercio mense septembri