Charter Document - 02360295
| Charter Number: | 02360295 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Declaration |
| Date: | 1223 |
| Date type: | Internal, A.D. |
| Resource Link(s): |
|
Charter:
Ego Mathildis comitissa Nivernensis notum facio omnibus tam presentibus quam futuris quod ego nichil juris clamo in domo Arduini sellarii que est Autissiodori in Lormeria ante castellum nostrum nec in domo nec in operatoriis que sunt in plateis que fuerunt Hugonis de Chevannes militis nec in tribus arpentis vinearum sitis in loco qui dicitur Campus Comitis nec in vinea de Monrefre que tenet idem Arduinus Et si quid juris in his rebus habeo ego quito eidem Arduino et heredibus ejus in perpetuum et concedo quod tam ipse quam heredes ipsius predictas res habeant ad rectum censum cujuscumque sit census sive sint de feodo meo sive non salva tali justicia qualem ibi debeo habere In cujus rei testimonium presentes litteras feci sigilli mei karactere muniri Actum anno Domini millesimo ducentesimo vicesimo tertio mense aprili