Charter Document - 02360292
| Charter Number: | 02360292 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1222 - 1223 |
| Date type: | Internal, A.D. |
| Resource Link(s): |
|
Charter:
Henricus Dei gracia Autissiod episcopus omnibus presentes litteras inspecturis in Domino salutem Noverit universitas vestra quod cum bone memorie Willelmus de Grignon quondam canonicus Autissiod dilectis filiis decano et capitulo Autissiodori jamdudum dedisset decimam quam habebat apud Arteium juxta Parliacum pro anniversario suo faciendo et postmodum dedisset eisdem domos quas habebat apud Autissiodorum juxta capellam Beati Stephani tali modo quod dictum capitulum de domibus predictis tam pro beneficio anniversarii ipsius Willelmi quam pro aliis elemosinis singulis annis viginti et octo solidos solvere teneretur tandem dicto Willelmo viam universe carnis ingresso in nostra presentia constituti nobilis mulier Odelina relicta Iterii de Arteio soror scilicet memorati Willelmi de Grignon et filii ejusdem Odeline Herveus Miles Johannes et Guido et nobilis mulier Isabel relicta Haguenonis militis fratris quondam dicti Willelmi de Grignon predictas donationes laudaverunt et concesserunt et tam decimam ipsam quam domos memoratas prefatis decano et capitulo in perpetuum quittaverunt Prefati autem decanus et capitulum ipsis super quadraginta libris Autissiod sicut dictus W de Grignon eisdem injunxerat satisfecerunt In cujus rei testimonium presentes litteras fieri fecimus et sigilli nostri munimine roborari Actum anno Domini millesimo ducentesimo vicesimo secundo mense februario