Charter Document - 02360288
| Charter Number: | 02360288 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1222 - 1223 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis officialis curie Senon in Domino salutem Noverint universi quod Clemencia relicta Belerini de Edua donavit ecclesie Sancti Remigii Senon duodecim denarios Paris annui census quos ipsa emerat a Stephano de Varellis et Rosa uxore ipsius quondam filia defuncti Arnulphi pelliparii percipiendos in domo lignea Roberti de Edua sita retro domum predicti defuncti Arnulphi et in appendicio contiguo domui lapidee ipsius Roberti sito juxta predictam domum ligneam et in porticu dicte domus lapidee ejusdem Roberti sicuti hec omnia se comportant usque ad extremum murum camere lapidee dicti Roberti que est contigua chasso domus lapidee sepe dicte excepta ruella que est retro dictam domum ligneam inter viridarium dicti Roberti et domum defuncti Arnulphi Hanc donationem guarantizare dicte ecclesie bona fide fiduciavit predicta Clementia Ita quidem quod si eandem garantizare non posset ecclesie supradicte ipsa vel heredes ejus qui domum suam cum porprisia sitam juxta domum Guiberti Frese tenerent quindecim libras Pruvinenses abbati et conventui Sancti Remigii solvere tenerentur vel eidem ecclesie Sancti Remigii providere competenter in aliis duodecim denariis censualibus ad aspectum duorum proborum virorum et tunc de cetero in predictis duodecim denariis predicta ecclesia nichil reclamaret sed eidem Clemencie vel ejus heredibus qui predictam domum tenerent sine inquietatione aliqua percipiendi remanerent Illam vero venditionem duodecim denariorum tenere et garantizare bona fide dicte C et ejus heredibus fiduciaverunt dicti Stephanus et Rosa uxor ejus spontanea non coacta In cujus rei memoriam et testimonium presentes litteras annotari et sigillo curie Senonensis sine prejudicio alterius fecimus roborari Actum anno Gratie MCC vicesimo secundo mense januario