Charter Document - 02360285
| Charter Number: | 02360285 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1223 |
| Date type: | Internal, A.D. |
| Resource Link(s): |
|
Charter:
G Dei gratia Senon archiepiscopus et R eadem gratia Nivernensis episcopus omnibus presentes litteras inspecturis salutem in Domino Noverint universi quod cum inter abbatem Sancti Remigii Senon ex una parte et virum nobilem Droconem de Melloto dominum Lochiarum ex altera super Thoma filio Pagani et Avelina quondam uxore Fulconis de Portu contentio emersisset post altercationes multiplices in nos ab ipsis partibus fide prestita corporaliter a dicto etiam abbate Milone de Ciconio canonico Senon et a prefato Drocone viro nobili Willelmo de Melloto fratre suo plegiis constitutis sic extitit compromissum ut quicquid super hiis a nobis contingeret pace vel judicio ordinari ratum et stabile permaneret Nos vero cause meritis inquisitis arbitrium nostrum protulimus in hunc modum quod supradicti Thomas et Avelina et filii ipsius Aveline cum omnibus bonis eorum inter partes equaliter dividentur ita quod medietas plene domino Droconi remanebit et alia medietas abbati et conventui Si vero contigerit homines abbatis feminabus dicti Droconis vel contra homines ipsius Droconis feminabus abbatis matrimonialiter copulari liberi qui ex tali copula fuerint procreati cum omnibus bonis eorum generaliter per medium inter eosdem dominos dividentur et uterque eorum medietatem suam deinceps habebit libere et precise et que super hiis contentio alias fuerat inter eos et compromissio facta in magistrum Hugonem quondam officialem Senonensem Gilonem de Rhegiaco Haconem de Rhegiaco et dictum ut dicebatur prolatum per arbitrium nostrum diximus quod compromissio illa penitus remaneret et pro eo habeatur acsi nonquam facta fuisset et si nonquam arbitrium ab illis fuisset prolatum Omnia siquidem inter partes in statu quo fuerent ante contentionem ortam in perpetuum remanebunt et omnes querelas suas que occasione hujusmodi mote sunt hactenus remiserunt et renunciatum est omnibus instrumentis que partes habuerant ullo unquam tempore super contentionibus hac occasione effectis Actum anno Gratie millesimo ducentesimo vicesimo tertio