Charter Document - 02360284
| Charter Number: | 02360284 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1222 |
| Date type: | Internal, A.D., Feast |
| Resource Link(s): |
|
Charter:
Ego comitissa Joigniaci Beatrix notum facio universis presentes litteras inspecturis quod cum Stephanus Bocheri prepositus Joigniaci homo meus et Guillelmi primogeniti mei et Elizabeth uxor ejus recessissent de nostra terra ipsi nolebant redire nisi facerem eos assecurari per charissimum dominum meum Theobaldum illustrem comitem Campanie et Brie palatinum qui eis assecuravit ad instantiam meam et Guillelmi primogeniti mei per suas patentes litteras sub hac forma Ego Theobaldus Campanie et Brie comes palatinus notum facio universis presentes litteras inspecturis quod dilecta et fidelis mea Beatrix comitissa Joigniaci et Guillelmus primogenitus ejus in presentia mea promiserunt quod ipsi assecurabunt Stephanum Bocheri prepositum Joigniaci hominem suum et Elisabeth uxorem ejus feminam suam ita quod in personis eorum manus non imponerent nec poni facerent nec eos caperent nec capi facerent nisi tale fore factum facerent propter quod capi deberent et etiam arrestari Ego enim secundum conventionem prenotatam ad instantiam dicte Blanche comitisse et Guillelmi ejus primogeniti in conductu meo recepi dictum Stephanum et Elisabeth ejus uxorem In cujus rei testimonium presentes litteras fieri volui sigilli mei munimine roboratas Actum anno Gratie millesimo ducentesimo visesimosecundo mense decembri Hanc autem assecurationem de voluntate Guillelmi primogeniti mei ratam habeo et concedo Quod ut notum et firmum teneatur presentes litteras feci fieri et sigilli mei munimine roborari Actum Jenuntii anno Gratie millesimo ducentesimo vicesimo secundo mense decembri die veneris post festum Sancti Andree