Charter Document - 02360283
| Charter Number: | 02360283 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1222 |
| Date type: | Internal, A.D. |
| Resource Link(s): |
|
Charter:
Ego Hugo Dei patientia Lingonensis episcopus notum facimus universis presentes litteras inspecturis quod Joannes Rubeus miles de Merlegniaco vendidit Guidoni abbati Reomaensis monasterii quicquid habebat in salvamento de Estiveio videlicet in pane et vino et carne et gallinis et in omnibus aliis rebus Istam autem venditionem laudaverunt Adelina uxor dicti militis et Jobertus de Venosses a quo idem miles tenebat et dictus Jobertus tenebat in feodo ab ecclesia Reomensi Et ne super ista venditione questio de cetero suboriretur ad preces utriusque partis presentes litteras sigilli nostri munimine corroboravimus Actum est hoc anno Domini millesimo ducentesimo vigesimo secundo mense septembri