Charter Document - 02360282

Omnibus presentes litteras inspecturis officialis curie Senon salutem Inter abbatem et conventum Sancti Remigii Senon ex una parte et Guillermuem de Ordone Petrum lo Jai et Thomam fratrem ejus milites ac omnes homines eorumdem militum de Eschegiis ex alia questione suborta super hoc quod dicebant dicti abbas et conventus quod ad molendinum eorum de Eschegiis dicti homines per bannum molere et si alibi molerent coram dicto abbate justiciam exhibere et emendam facere tenebantur sicuti in autentico bone memorie Guidonis quondam Senon archiepiscopi continetur dictis etiam hominibus contra memoratos abbatem et conventum proponentibus quod in nemore de Warelliis panagium habebant sub tali consuetudine quod pro porco qui annum non compleverat solum denarium et pro illo qui annum compleverat duos tantum denarios solvere tenebantur dicentibus etiam militibus supradictis quod ad molendinum dictorum abbatis et conventus de Eschegiis sine moltura molere debebant parte utraque peticionem alterius penitus denegante tandem post longam altercationem super premissis inter dictas partes amicabiliter compositum est in hunc modum quod dicti milites ad dictum molendinum sine moltura molere non poterunt per bannum tamen molere non cogentur Homines autem memorati isti videlicet quorum inferius subscripta sunt nomina et heredes eorum in perpetuum ad illud molendinum per bannum molere tenebantur Si vero contigerit pro defectu aque vel pro incendio vel pro alio casu quod ibi homines habere necessaria non possint ibunt ad molendina memorate ecclesie de Pontibus vel de Varelliis et ibi dabunt de annonis suis ad consuetudinem molendini de Chigi et si quis eorum bladum suum alibi miserit vel detulerit hoc delato per querimoniam molendinarii ad dictos milites vel eorum majorem si per duos testes convictus fuerit qui hoc fecerit duas molturas solvere tenebitur unam pro moltura et alteram pro emenda et compellentur a militibus vel eorum majore ad perhibendum super hiis testimonium veritati quotquot de hominibus militum jam dictorum fuerunt nominati Si vero testes non habuerit molendinarius fides adhibehitur ipsius juramento nisi alius per juramentum suum voluerit se purgare et tunc similiter duas molturas solvere tenebitur convictus unam pro moltura et aliam pro emenda et nisi infra mensem post factam querimoniam faciant hoc fieri milites sepedicti vel eorum major ex tunc licebit abbati dictos homines cohercere et citare coram se et capere de rebus eorumdem secundum quod in dicto autentico bone memorie Guidonis quondam archiepiscopi Senon continetur De panagio vero supradicto duos tantum denarios dicti homines pro porco quolibet exceptis lactantibus solvere tenebuntur Hii vero sunt qui compositionem supradictam voluerunt et concesserunt et eam se firmiter servaturos in perpetuum fide prestita promiserunt Petrus li Jais miles et homines ipsius Petrus major Thomas Corsarz Hernaudus Gaurinus filius Nemerici Haymonins Maria de la Plainche Hersendis Selegnete Gaurinus de Clauso Auburgis filia Erici Benedicta relicta Barderii Helisabeth relicta Guillermi Theobaudus frater Petri majoris Guillermus de Ordone miles et homines ejus Dionisius de Fonte Guibertus Borteaus Guillermus dou Haie Petrus Tuez Aremburgis de Puteo Deelina Champegnoise Clemens frater Petri majoris Agatha Laubrenee Helluisis filia Nemerici Renardus major Felix filius Bernerii Petrus Boiliers Thomas li Jais miles et homines ejusdem Petrus filius Dyonisii Ansellus Furnerius Guarnerius de la Rue Thomas major Joibertus filius Gileti et Ericus In cujus rei memoriam et testimonium presentes litteras annotari et sigillo curie Senon fecimus roborari Actum anno Gratie millesimo ducentesimo vicesimo secundo mense septembri