Charter Document - 02360281
| Charter Number: | 02360281 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1222 |
| Date type: | Internal, A.D., Calendar |
| Resource Link(s): |
|
Charter:
Ego Willermus Tanlai dominus universis presentes litteras inspecturis significo quod ego et Adelina nobilis sponsa mea dedimus et concessimus assensu domini Roberti filii nostri et aliorum puerorum nostrorum intuitu misericordie et ob beneficium animarum nostrarum et ob anniversaria nostra et pueri nostri illuc quiescentis quinque solidos Autissiodorenses ecclesie Beate Marie et conventui de Crisenon imperpetuum in censu nostro Malli Castri annuatim ad festum Beatorum Germani et Remigii persolvendos Ut autem istud ratum et inconcussum permaneret presentem cartam sigilli mei munimine feci roborari Actum ab incarnatione Domini anno MCCXX secundo IX kal augusti mense julio