Charter Document - 02360278
| Charter Number: | 02360278 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1222 |
| Date type: | Internal, A.D., Feast |
| Resource Link(s): |
|
Charter:
Ego Beatrix comitissa Jovigniaci notum facio universis presentes litteras inspecturis quod cum karissima domina mea Blanchia illustris comitissa Trecensis et dilectus dominus meus Th natus ejus comes Campanie et Brye palatinus Willelmum filium meum recepissent in hominem suum ligium de comitatu Jovigniaci et de pertinenciis ad eorum feodum pertinentibus salvo jure alterius et idem Willelmus postmodum proprio motu et spontanea voluntate se et totam terram suam in mea custodia posuisset nos ego scilicet et dictus Willelmus dictis comitisse et comiti juravimus tactis sacrosanctis reliquiis quod quocienscumque ab ipsis vel ab altero eorum per nuntium suum vel per litteras suas patentes fuerimus requisiti nos trademus eis vel eorum alteri castrum Jovigniaci magnam scilicet fortericiam et parvam Ipsi autem nobis jurari fecerunt in animas suas quod infra quadraginta dies postquam fuerint extra excondium suum ipsi nobis vel alteri nostrum reddent dictum castrum Jovigniaci magnam videlicet fortericiam et parvam in eo statu et bona fide in quo traditum fuerit eis aut uni eorum In cujus rei testimonium presentes litteras feci fieri et sigilli mei munimine roborari Datum anno Gracie MCC vicesimo secundo die martis post quindenam Pasche apud Castrum Theoderici