Charter Document - 02360277
| Charter Number: | 02360277 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1222 |
| Date type: | Internal, A.D. |
| Resource Link(s): |
|
Charter:
A ecclesie Beati Petri et R ecclesie Beati Mariani abbates Autissiod universis presentes litteras inspecturis salutem in Domino Noverint universi quod constitutus in presentia nostra nobilis vir Adam Choisel dominus Vincellarum dedit et concessit post decessum suum in perpetuam elemosinam ecclesie Beati Mariani Autissiod quatuor libras Autissiodorensis monete annui redditus reddendas mihi abbati Sancti Mariani et successoribus nostris annuatim infra octabas Omnium Sanctorum sine aliqua contradictione et diminutione de tallia Vincellarum ab hiis qui predictam villam successive possidebunt tali conditione quod nos et successores nostri tenebuntur de prefatis quatuor libris sexaginta solidos dare pauperibus singulis annis in initio hyemis scilicet in vestimentis et sotularibus pro remedio animarum predicti A et Elisabeth uxoris ejus Reliqui vero viginti solidi expendentur in procuratione fratrum nostrorum in die anniversarii predictorum A et E Ego autem R abbas Sancti Mariani ex assensu et voluntate capituli nostri ordinationem quam ipse A fecit de prefata elemosina sua firmiter et fideliter obligare promisimus et successores nostros ad observationem ipsius in quantum possumus obligando ligamus Ego autem abbas Sancti Petri ad petitionem utriusque partis presenti pagine predictas ordinationes continenti videntes sigillum domini abbatis Sancti Mariani nostrum apposuimus Actum anno Gratie MCCXXII mense aprili III idus ejusdem mensus