Charter Document - 02360274
| Charter Number: | 02360274 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1221 - 1222 |
| Date type: | Internal, A.D. |
| Resource Link(s): |
|
Charter:
Ego Matildis comitissa Nivernensis notum facio universis presentes litteras inspecturis quod ego juravi super sacrosancta evangelia karissimo domino meo Philippo Dei gratia illustri Francie regi quod ego faciam eidem bonum et fidele servicium contra omnes homines et feminas qui possunt vivere et mori et quod me non maritabo nisi per gratum et voluntatem ipsius De hiis autem conventionibus firmiter tenendis dedi plegios eidem domino regi meos homines quos mecum habebam per sacramentum eorum tali modo quod si ego quod absit deficerem de dictis conventionibus tenendis domino regi ipsi tenentur venire ad dominum regem cum omnibus terris et feodis suis que de me tenentur et ipsum contra me juraretur donec esset ei emendatum ad gratum suum et quocienscunque dominus rex me requisierit ego faciam ei habere talia sacramenta hominum meorum qui non fuerunt presentes mecum coram domino rege de omnibus illis scilicet quos habere potero bona fide et sine malo ingenio et similiter fidelitates villarum mearum Quod ut firmum et stabile perseveret presentes litteras scribi mei appositione muniri Actum Meloduni anno Domini MCC vicesimo primo mense februario