Charter Document - 02360270
| Charter Number: | 02360270 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1221 |
| Date type: | Internal, A.D., Calendar, Papal |
| Resource Link(s): |
|
Charter:
Honorius episcopus et venerabili fratri episcopo et dilectis filiis S Lupi et S Martini Trecensis abbatibus salutem et apostolicam benedictionem Ex insinuatione nobilis viri comitis Nivernensis et M uxoris ejus accepimus quod cum certe de obitu clare memorie Petri imperatoris Constantinopolitani civitatem Autissiod tanquam jure ad eos devolutam hereditario adissent et super hoc cum nobili viro comite [Nam]urcensi nato predicti defuncti et R de Cor[tenaio] aliquandiu litigassent nos super [] ditis viris ordinem non servantes Unde iidem nobis humiliter supplicarunt ut cum parati sint de se super hoc conquerentibus justiciam exhibere pro conservatione juris eorumdem vobis scribere dignaremur Quocirco discretioni vestre per apostolica scripta mandamus quatinus revocato in statum si quod contra ipsos juris ordine pretermisso fecistis in hujusmodi negotio auditisque partibus duxerunt proponenda sublato appellationis obstaculo ratione previa procedatis Quod si non omnibus hiis exequendis potueritis interesse tu ea frater episcope cum eorum altero nihilominus exequeris Datum Laterani III nonas decembris anno incarnationis Verbi MCCXXI pontificatus nostri anno V