Charter Document - 02360268
| Charter Number: | 02360268 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1221 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Willelmus ecclesie Sancti Johannis Senonensis abbas totusque ejusdem ecclesie conventus in Domino salutem Noverint universi quod vir excellentissimus Philippus rex Francorum concessit nobis et Guidoni de Borrum servienti suo et heredibus suis arcas pontis Gressii cum gurgitibus ibidem signatis et aquam que vulgo baillium nuncupatur ad piscandum communiter inter nos tenenda de ipso et heredibus suis in perpetuum pro viginti solidis annuis census reddendis dicto regi vel ejus mandato annis singulis in festo Beati Remigii Preterea nobis solis dedit et concessit aquam a baillio et supra usque ad exclusas molendinorum superius pro decem salutis censualibus reddendis eidem annis singulis in festo Beati Remigii Quod ut ratum permaneat nobis salva justicia sua sigilli sui fecit munimine roborari Nos vero eidem super hoc litteras nostras concessimus sigillorum nostrorum munimine roboratas Actum anno Gratie MCC vicesimo primo mense septembri