Charter Document - 02360265
| Charter Number: | 02360265 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 - 1221 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis G de Autissiod civis Paris salutem in Domino Noveritis quod cum vir venerabilis A abbas Sancti Petri et conventus ejusdem ecclesie Autissiod dedissent michi quasdam terras ad medietatem plantandas usque ad septem annos que sunt in territorio de Augiaco elapsis septem annis plante ille pari partium consensu partite fuerunt ita quod abbas et conventus habuerunt plantam de Monte Ambrase et petiam que adheret magnis plantis de Fonteneto versus Vallem et partem illam que est juxta stannum qui adheret vinee Boisacote et cuidam vinee mee que extenditur usque ad viam de Vallibus cum fosseto et omnibus aliis aisamentis ad imbladiandum et debladiandum et aliam partem aliarum plantarum sitarum intra domum meam de Augiaco et Vallem versus Vallem et bosme posite fuerunt inter partes meas et abbatis et conventus salvo recto censu et decima illarum que sunt de censiva Beati Petri que dicte debeo ecclesie Quod ut ratum sit presentibus litteris sigillum meum apposui Actum anno Gratie MCC vicesimo mense martio datum in crastino Letare Jherusalem