Charter Document - 02360261
| Charter Number: | 02360261 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1221 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis magister Hugo curie Senon officialis in Domino salutem Noverint universi quod constituti coram nobis in jure Odo clericus de burgo Sancti Petri filius defuncti Terrici Petrus et Humbertus filii defuncti Mainardi de burgo Sancti Petri Stephanus Aameri Johannes Bichebot et Garnerius de Taloam se spontanea voluntate fide media plegios et debitores obligarunt ad usus et consuetudines Senon erga religiosos viros abbatem et conventum Sancti Petri Vivi Senonensis de ducentis libris paris tali tenore quod de illis ducentis libris facient creentum dictorum abbatis et conventus infra mensem postquam fuerint a predictis abbate et conventu requisiti nisi Petrus Ribaudus et uxor ejus infra octabas Penthecostes veniant in presentia domini Senon et recognoscent se esse homines de corpore ecclesie Sancti Petri Vivi Senon talliabiles alto et basso ad voluntatem abbatis Sancti Petri Vivi et nisi in presentia domini Senon jurent ita esse idem Ribaudus et uxor ejus et ni faciant componi litteras domini Senon in quibus etiam litteris continebuntur ea que inferius sunt expressa scilicet quod si quando diffugerent se vel sua dictus Petrus Ribaudus et uxor ejus extra dominium ecclesie Sancti Petri Vivi ubi ecclesia Sancti Petri Vivi perdat talliam et servicium et omnem justitiam sibi a dictis Petro Ribaut et ejus uxore debitam tamquam ab hominibus suis de corpore vel aliud dominium advocaverint quod predicti Odo clericus Petrus et Humbertus Stephanus Aameri Johannes Bichebot Garnerius de Taloam tenebuntur erga ecclesiam Sancti Petri Vivi de dictis ducentis libris et quod ad hoc se spontanee fide media obligarunt tali etiam pacto quod si aliquem ipsorum videlicet Odonis Petri Humberti Stephani Johannis et Garnerii decedere contigerit vel in peregrinationem longinquam proficisci vel alias fieri non solvendo quocumque modo quod illi qui remanebunt alium pro illo qui recedet vel decedet vel alias fiet non solvendo equalis valoris ponere tenebuntur in obligatione predicta erga ecclesiam S Petri infra mensem postquam fuerint requisiti vel ex tunc ipsi dictis abbati et conventui ad solutionem dictarum CC lib tenerentur acsi dicti Petrus Ribaut et uxor ejus dominium supradicte ecclesie diffugissent Actum anno Domini MCCXXI die sabbati post Inventionem Sancte Crucis