Charter Document - 02360258
| Charter Number: | 02360258 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1220 |
| Date type: | Assigned |
| Resource Link(s): |
|
Charter:
Willelmus Dei gracia Autissiod episcopus omnibus ad quos presentes littere pervenerint in Domino salutem Universitati vestre fore volumus quod nobilis mulier Margareta domina Sailliniaci et Stephanus filius ejus in presencia nostra constituti dederunt et concesserunt imperpetuam elemosinam capelle in castello Selliniaci site ad sustentacionem capellani qui ibidem deserviret octo sextaria bladi scilicet quatuor de frumento et quatuor de silligine in molendinis de Bellomonte ad mensuram Altissiod singulis annis percipienda Dederunt eciam eidem capelle imperpetuum LX solidos Altissiod monete capiendos singulis annis in censibus de Seilliniaco et tam bladum quam denarii solventur annuatim predicto capellano in festo Beati Remigii Contulerunt insuper predicte capelle quandam vineam que fuit Ysambardi de Domo Dei sitam juxta viam de Chimiliaco Concesserunt eciam coram nobis quod quociens dominus castri vel domina morabuntur in eodem castro capellanus cum clerico suo erit de mensa eorum Nos autem ad peticionem tam predicte domine quam Stephani filii ejus litteras testimoniales super premissis fieri fecimus et sigilli nostri munimine roborari