Charter Document - 02360248

R R patribus et D D charissimis W Dei gratia Rhemensi archiepiscopo ejusdem suffraganeis universis virisque venerab et discretis decanis et capitulis cathedralium ecclesiarum provincie Rhemensis P ejusdem permissione Senonensis archiepiscopus G Carnotensis M Aurelianensis W Autissiod H Trecensis et W Meldensis miseratione divina episcopi salutem et sinceram charitatem Vestra novit quod credimus universitas quod cum Parisius ad vocationem R patris C Portuensis episcopi sedis apostolice legati dominus rex quasdam querelas scriptas quas contra nos se et homines suos habere dicebat ad nos misit responsionem petens a nobis super illis Cumque diem ad respondendum de voluntate nunciorum ejus recepissemus infra diem illam D rex statum ecclesie immutando clamari fecit publice in terram suam ne aliqui de baillivis et prepositis suis sicut chara habent sua corpora et catella de cetero mercata faciant vel mercasias ubi sit catallum quibus interveniat juramentum et fiducie addens insuper quod si quis eorum in hoc incideret forisfactum ipse emendam ab eis levaret Nos autem virorum nostrorum super hoc usi consilio ad ipsum omnes accedentes primo requisivimus ab eo quanta decuit humilitate ut illud quod die sua pendente in prejudicium et injuriam nostram necnon et totius ecclesie gallicane fecerat revocaret et postea de querelis contra nos propositis tum responderemus eidem ita quod ipse vel homines sui de nobis conqueri non deberent Ad quod ipse nobis respondit quod super hoc nobis ullatenus non responderet donec cum baronibus suis quos ad parlamentum convocaverat consilium habuisset Postmodum vero bonorum virorum consilio metuentes ne barones suos induceret ad eandem inhibitionem faciendam baronibus qui a nobis et ecclesiis nostris feoda tenent pro fidelitate quam nobis debent inhibuimus ne huic statuto vel alii contra ecclesiam faciendo aliquatenus consentirent Nosque attendentes per hoc statutum juri ecclesiastico plurima derogari et re esse perniciosi exempli cum per hoc non mandato caveamus ne ad deteriora pronus sit contra Dei ecclesiam de facili statuendo nisi in januis resistatur universitatem vestram rogamus humiliter ut quia negotium istud vos et ecclesias vestras immo tangit ecclesiam gallicanam in hoc facto ecclesie Dei consilium et voluntatem proxima die martis ante instantem Pentecostem nobis Senonis rescribatis quoniam ad eam diem propter hoc specialiter capitula et abbates nostrorum diocesum convocabimus et ibi personaliter conveniemus Deo dante Datum Parisius die lune ante festum B Georgii anno Domini MCCXX mense aprili