Charter Document - 02360247
| Charter Number: | 02360247 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1220 |
| Date type: | Internal, A.D. |
| Resource Link(s): |
|
Charter:
Philippus Dei gratia Francorum rex amicis et fidelibus suis majori et juratis Senonensibus et universis aliis ballivis et prepositis suis ad quos littere presentes pervenerint salutem et dilectionem Mandamus vobis et precipimus quatenus quotiescumque abbas et canonici Sancti Joannis vos requisierint ut eis justicie plenitudinem exhibeatis vos incontinenti maturam et plenam justiciam impendatis scituri quod cum domum ipsorum et res universas ad eos attinentes specialiter in protectione et custodia nostra per jus habeamus si eis justicie plenitudinem in ballivis et potestatibus vestris non impenderitis cum vos requisierint nobis exinde debitam facietis emendam si de defectu vestro ad nos querimonia pervenerit Actum Meleduni anno Domini millesimo ducentesimo vigesimo mense aprili