Charter Document - 02360238
| Charter Number: | 02360238 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1223 |
| Date type: | Internal, A.D. |
| Resource Link(s): |
|
Charter:
Ego Theobaldus Campagnie et Brie comes palatinus notum facio universis tam presentibus quam futuris quod ego ratum stabile et firmum habeo dictum quod protulerunt dilectus meus Stephanus de Alto Villari et Thomas scutifer milites et baillivi domini regis et Radulphus de Pontibus miles et baillivus carissime domine matris mee in arbitrio sibi commisso super multis et diversis querelis que vertebantur inter ecclesiam Beati Martini Turonensis et Willelmum prepositum Chableiarum ex una parte et homines de Chableiis ex altera sicut plenius vidi et intellexi in litteris eorumdem arbitrorum sigillis eorum sigillatis et sicut continetur carta carissime domine matris mee Blanche illustris comitisse Trecensis quam vidi et inspexi sigillo ejus sigillatam que subscripta est in hac forma [] Ego itaque dictum prefatorum arbitrorum sicut superius est prolatum quod plenius vidi in litteris eorum sigillis suis munitis ratum habeo et approbo et sigilli mei munimine confirmo Actum anno Gracie MCCXIX in festo Purificationis Beate Marie que omnia ut nota permaneant in posterum et firma teneantur litteris annotata ego Theobaldus comes sigilli mei munimine roboravi Actum anno Gracie MCCXXIIJ mense octobri