Charter Document - 02360230
| Charter Number: | 02360230 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1219 |
| Date type: | Internal, A.D. |
| Resource Link(s): |
|
Charter:
Ego Pontius de Monte Sancti Joannis notum facio universis presentibus et futuris quod cum dudum homo essem charissime domine mee Blanchee Comitisse Campanie de viginti libris in nundinis Barri assignatis et postmodum tam ipsa comitissa quam charissimus meus Dominus alias viginti libras mihi crevissent in eisdem nundinis assignatas et preterea dedissent mihi trecentas libras in denariis et ego juravi eis super sanctos quod ipsos et heredes eorum bona fide juvabo de me et de gentibus meis et de fortericiis meis et si opus fecerit in capite guerriabo contra Erardum de Brena et Philippam uxorem ejus et contra Aalaidem reginam Cypri et heredes eorum et contra adjutores eorumdem hoc excepto quod si predicta comitissa vel comes aut gentes eorum irent super Milonem de Noeriis sororium meum in castello suo de Noeriis vel in alia terra sua propria ego vel gentes mee non teneamur illuc ire sed si idem Milo vel gentes sue irent super comitissam vel comitem aut super gentes eorum teneremur eos et terram eorumdem pro viribus defensare Sciendum est autem quod heres meus qui Charniacum tenebit feodum predictarum quadraginta librarum habebit Ut autem hec omnia teneantur rata litteris annotata sigilli mei munimine roboravi Actum anno Gratie millesimo ducentesimo nono decimo mense junio