Charter Document - 02360226
| Charter Number: | 02360226 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1218 - 1219 |
| Date type: | Internal, A.D. |
| Resource Link(s): |
|
Charter:
Willelmus Dei gracia Autissiod episcopus omnibus presentes litteras inspecturis salutem in Domino Noverint universi quod Rainaudus filius Stephani Morelli de Dijia in nostra presencia constitutus recognovit se super sacrosancta evangelia propria manu jurasse quod de cetero abbati et monachis Sancti Germani Autisiod et hominibus ejusdem ecclesie nullam inferet violenciam sive injuriam sive molestiam Quod si forte inferret vel in aliquo contra juramentum suum venire presumeret concessit quod predicti abbas et monachi Sancti Germani capiant quicquid idem Reinaudus habet in terra Sancti Germani et teneant donec ex integro satisfactum fuerit eis nec dominium cujuscumque poterit ipsum Rainaudum defendere quominus abbas et monachi res dicti Reinaudi que sunt in terra Sancti Germani saisire possint et tenere usque ad satisfaccionem condignam In cujus rei memoriam ad peticionem sepedicti Reinaudi presentes litteras scribi fecimus et sigilli nostri munimine roboratas tradi abbati et monachis memoratis ad testimonium et munimen Actum anno Domini MCCXVIII mense februario