Charter Document - 02360225
| Charter Number: | 02360225 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1218 - 1219 |
| Date type: | Internal, A.D. |
| Resource Link(s): |
|
Charter:
Ego Robertus de Curtiniaco miles et Mathildis uxor mea notum facimus universis quod nos pro remedio animarum nostrarum et antecessorum nostrorum presbytero nove parochie quam venerandus pater Petrus Dei gratia Senonensis archiepiscopus ad instantiam precum nostrarum et concessum domini Constantii tunc temporis presbyteri de Campignoliis in villa nostra nova juxta Campignolium fundavit in piam et perpetuam eleemosynam damus et concedimus domum dicte ecclesie contiguam cum suo virgulto et circumferentiis ipsi domui pertinentibus cum rei integro dominio et libertate pacifica in manu mortua perpetuo possidendam nihil nobis in eadem juris seu jurisdictionis servitutis aut cujuslibet consuetudinis retinentes Item damus et concedimus dicto presbytero omnes decimas novalium ultra campum qui dicitur Coivre in territorio de Campignoliis jam cultarum et de cetero colendarum Preterea volumus et concedimus ut presbyter dicte parochie usuagium habeat in nemoribus ubi et sicut homines nostri de Campignoliis usagium habere consueverunt Nos vero et heredes nostri premissa omnia dicte ecclesie erga omnes in perpetuum garantire promittimus et tenemur In cujus rei testimonium presentem paginam sigilli nostri munimine fecimus roborari Actum anno ab incarnatione Domini MCC octavodecimo mense januario