Charter Document - 02360224
| Charter Number: | 02360224 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1219 |
| Date type: | Internal, A.D. |
| Resource Link(s): |
|
Charter:
Notum sit universis presentibus et futuris quod ego Guido dominus Marleniaci dedi in elemosinam ecclesie Pontiniacensi et fratribus ibidem Deo servientibus pro anima filie mee Hermenguarde domine de Chanlei centum solidos Pruvinienses capiendos singulis annis in festo Sancti Remigii super censum meum de Ponchi nec possint ultra exigi inde nisi isti supradicti solidi centum et hoc tali modo quod expendantur in anniversario ejusdem in pitancia ad conventum Hoc laudavit uxor mea domina Narbona et filius meus Gaucherius Et ut hoc ratum et firmum in perpetuum teneatur presentem paginam feci sigilli mei munimine roborari Actum anno Domini MCC nono decimo