Charter Document - 02360221
| Charter Number: | 02360221 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1219 |
| Date type: | Internal, A.D. |
| Resource Link(s): |
|
Charter:
Frater A de Coleors domorum militie Templi in Francia preceptor universis ad quos presentes littere pervenerint salutem in Domino Noverit universitas vestra quod bannum vini vendendi apud Chableias quod dicebamus a domino Milone defuncto de Monteregali nobis fuisse legatum super quo etiam impetebamus capitulum Beati Martini Turonensis prepositum Chableiarum et dominum G de Monteregali concedimus et quitavimus dicto capitulo Beati Martini Turonensis In cujus recompensationem predictum capitulum dedit et concessit nobis annuente preposito Chableiarum pratum et terram sitam in terragio et finagio et justicia Chichiaci quam dictus prepositus emit ab Arenberto cantore cognomine de Chableis quod nobis tenetur garantire Quitavimus etiam sepedictum capitulum prepositum et dominum G de Monteregali a causis super predicto banno adversus eos motis et movendis Quod ut ratum et firmum permaneat presentes litteras sigilli nostri munimine fecimus roborari Actum anno Domini MCC decimo nono